Sajettar ils animals para esser l'unica resposta. Sche ins sa il pertschient da las bestgas mazzadas da quest predatur, èsi lunsch davent dad esser in masakker. Quest pertschient è gist uschè ridicul sco la charn da nursas d'origin svizzer ch'ins chatta en nossas butias. Tut ils allevaders sa lamentan che las nursas na rendan nagut, ni cun charn ni cun launa, perquai pertge cuntinuar? Las subvenziuns? In hobby? En las muntognas chatt'ins adina dapli glieud che senza ina moda da trail u da velos electrics na fiss probablamain mai vegnida. La natira sa regla fitg bain senza nus. Ins sto simplamain dar ad ella il temp.

Jau enconusch l'alp Aion sur Cauco en la Val Calanca ed jau enconusch era la Val Calanca, nua che nus passain dapi 30 onns nossa residenza da stad da trais emnas. I na ma surprenda betg che la televisiun fa ussa reclama mobila per la protecziun dals lufs - ils redacturs vivan en il "bass pajais", per uschè dir en in'ufficina protegida. I po esser che l'alp Aion metta las chavras durant la notg en in serrament, ma tge capita durant il di? Ils lufs èn intelligents e chattaran era insacura, sche la pressiun da la fom daventa memia gronda, ina via per sturnir ina u duas u trais chavras malgrà ils chauns da protecziun da la scossa. Quai che ma disturba è che i na vegn mai mussà in animal domestic sturnì, saja quai ina nursa, ina chavra, in bov, in vadè u schizunt in asen - la condiziun da quests animals na po ins natiralmain betg mutar als lecturs ed a las lecturas, n'è betg? Per il rest recummond jau a mintgin e mintgina, surtut a la populaziun "urbana", da leger il cudesch "Carstgaun, luf".