Natüralmain na po dar nagina immigraziun illimitada. Nagin pajais na permetta quai. I dovra reglas d'immigraziun cleras ed efficazias. Ils avantatgs d'ina immigraziun supportabla èn enconuschents a nus tuts. Nota bene era quels da l'emigraziun. Blers da noss antenats eran fitg cuntents da la prontadad d'auters pajais da als acceptar.

Bler pli nizzaivel che las pretensiuns generalas che l'immigraziun donnegia u gida - la vardad è adina enzanua entamez - fiss la tschertga cuminaivla per ina controlla realisabla. La serrada totala tar 10 milliuns è gist uschè faussa sco l'avertura nuncrititga dals cunfins. I na va betg per trair avantatgs da partida da la situaziun difficila. I va puspè ina giada per chattar e realisar soluziuns raschunaivlas.

Per sclerir immediat: jau na sun ni cunter l'immigraziun ni hai jau insatge da far cun la partida populara. Il fatg è però che dapli glieud dovra dapli da tut: spazi d'abitar, energia, victualias etc., e naturalmain l'immigraziun va er a pèr cun ina creschientscha dal traffic; quai è nuncuntestabel.

I è però pli che evident che tscherts circuls politics - gist quels che sustegnan l'immigraziun - vulan schelenthar l'infrastructura e vulan impedir mintga amplificaziun; uschiglio na vegnissan betg fatgas protestas en massa cunter mintga pitschna via, roda da vent, clavà etc. Cun auters pleds: ins refusa categoricamain da schliar ils problems che resultan da l'"immigraziun". Cunquai che las votantas ed ils votants - vesair ils 25-11-24 - vesan quai evidentamain er uschia, datti mo ina alternativa; numnadamain da schliar ils problems che resultan da "nagina immigraziun", quai che vegn ad esser fitg, fitg pli difficil. "Chartas d'engraziament" - sco adina - per plaschair als Verds....🤔🥱🤪🤣