In sguard sin las cifras da l'UST mussa che 70.2 % resp. 70.1 % da las persunas donnegiadas registradas da la polizia durant ils onns 2022 e 2023.

L'onn 2023 èn vegnidas mazzadas 16 dunnas da 25 mazzaments registrads en il sectur chasan, quai èn 64 pertschient, en il rom dal pèr u da la famiglia.

Prest tut las furmas da violenza a chasa èn malfatgs ch'èn fixads en il cudesch penal svizzer e che vegnan persequitads d'uffizi e d'auters sin ina denunzia penala.

Malgrà eventualas mesiras penalas duessan talas tragedias vegnir impedidas tras ina prevenziun pli efficazia.

Il problem è quel ch'acts da violenza derivan da differents cumportaments u da differentas motivaziuns. La prevenziun sto perquai sa drizzar a gruppas da delinquents cun profils fitg differents ed esser adattada als secturs respectivs.

Prendai p. ex. violenza corporala ( blessura corporala, acts da violenza e.u.v.). Ella po esser pervia da l'abus da drogas u d'alcohol dal conjugal. Auters da lur vart han lur origin en tradiziuns absurdas, sco p. ex. l'ennevaziun.

Il medem vala per la violenza psichica. En furma d'ina extorsiun finanziala u d'ina maridaglia sfurzada po ella exister en ina cuminanza betg integrada.

I na stat betg en dumonda che la prevenziun na vegn betg a cuntegnair ils medems criteris per tractar in um violent u ina famiglia cun tradiziuns criminalas u antiquadas e quai è tut la difficultad.

En vista als arguments numnads sura sun jau da l'opiniun ch'il Roadmap, suttascrit da la Confederaziun e dals chantuns, en la quala las mesiras concretas per cumbatter la violenza a chasa èn enumeradas, duess cuntanscher sias finamiras bler pli svelt. En ina communicaziun dal DFGP statti numnadamain che la bilantscha finala da la realisaziun da la roadmap extendida vegn spetgada per ils onns 2025 u schizunt pir per ils 2026!

As regurdar che la dumonda n'era betg "sche ils progress èn suffizients", ma "sche nus avain fatg progress areguard il tema da la violenza cunter dunnas". E la resposta è gea: i ha dà midadas en la legislaziun, i èn vegnids creads centers d'accoglientscha, i ha dà campagnas per cumbatter la violenza da gener. Nus stuain pia constatar ch'i ha dà progress. Els n'èn betg suffizients, lunsch davent! Ma els èn reals. Ussa stuain nus cuntinuar cun quest slantsch e far en moda che quests sforzs mussan lur resultats en las statisticas. Ma quai dovra temp: nus stuain resguardar che questa midada dal paradigma da relaziun na vegn betg, simplamain perquai ch'ella è vegnida decretada dal legislatur e da las autras autoritads, immediatamain "respectada" da tut ils culpants da questas violenzas. I dat urgenza, ma la via tschernida è la correcta. Nus stuain cuntinuar a la percurrer.