La regulaziun existenta è sufficienta. Tranter tut ils problems menziunads en questa dumonda, trais meritan d'esser tractads.

L'emprim è il fatg che las difficultads da Credit Suisse (CS) derivan principalmain da la gestiun da la banca (cussegl d'administraziun e direcziun) che n'ha betg suandà - suenter la crisa finanziala dal 2008 - ina strategia che mira al success da la banca a media vista, cun tut las restricziuns/acziuns che quai implitgescha.

Il segund è il fatg che la FINMA n'ha betg gì il curaschi da sanziunar la "nonchalanza" inacceptabla da la direcziun da CS. E sco che di il proverbi: "Tut quai che va si, vegn era puspè giu". La FINMA n'è betg confruntada cun la cumplexitad dal mintgadi da las interpresas ch'ella controlescha. Sia gronda sfida è da differenziar l'analisa dals indicators finanzials/contabels per mintga interpresa e d'identifitgar las referenzas d'applitgar da cas en cas. En cas da difficultads (per exempel: la betg implementaziun da mesiras correctivas pretendidas), la FINMA sto applitgar sancziuns, cun il ristg da crear in scandal (public). Ina debatta pli vasta avess l'avantatg da laschar intervegnir autras opiniuns. La FINMA n'è betg Dieu sin terra e po er far sbagls. L'extensiun da la debatta meglierescha la transparenza (betg adina en l'interess direct da l'interpresa pertutgada) da quella e pia er la tschertga e l'implementaziun d'ina soluziun.

Finalmain, l'augment da la regulaziun na reducescha betg il ristg represchentà dad UBS. Quai è ina soluziun da comoditad che permetta als politichers da sa dar ina "buna conscienza", empè d'ina buna enconuschientscha dal sectur bancar. En il cas actual, UBS chattarà ed applitgarà las soluziuns necessarias. En trais fin tschintg onns quest tema na sarà betg pli actual. Las referenzas da la regulaziun vegnan ad esser respectadas. La gestiun da la banca dentant continuarà a giugar ina rolla essenziala per ses success.

Las acziuns da salvament dal passà ans mussan che las bancas èn infrastructuras criticas che na pon betg ir en falliment. E ch'ellas na vegnan betg a sa regular sezzas. Sche il stadi na vul betg stuair rimnar si ils tocs mintga 10 onns, sto el introducir ina regulaziun che protegia las bancas u el sto surpigliar sia rolla sco assicurader dal sistem finanzial e las laschar pajar premias.