Cuntrari als activ tradiziunals (aczias, obligaziuns, daners) che portan in dretg (dretg da proprietad sin ina societad, dretg da credit accumpagnà d'ina remuneraziun contractuala, dretg da survegnir rauba en barat per ina munaida legala), il bitcoin na dat dretg a nagut auter che la speranza da pudair al vender in di pli char a insatgi che è pront da pajar per aria. Il pretsch dal bitcoin è pia per natira puramain speculativ e suttamess a la perdita da fidanza u la perdita d'interess dal public / dals operaturs dal martgà.

A quest ristg s'agiunta ina limitaziun puramain tecnica: l'energia necessaria per far funcziunar il sistem pudess mancar - en cas d'in blackout da lunga durada sin las minieras da bitcoins, pudess l'entir sistem da transacziuns esser pertutgà, chaschunond ina crisa da fidanza, che ans maina enavos al emprim punct.

Il bitcoin è pia in casino anc pli ristgà - cleramain betg il champ da giugar d'ina banca centrala.

Mo il bitcoin è decentralisà e limità a 21 milliuns unitads (che cuntegnan a lur tour milliardas da satoshis). L'energia e il temp da vita (daners fiducials) che vegnan investids per proteger il sistem extramain decentralisà (mintgin po sa participar cun in node/punct da noda) è a medem temp sia valur intrinsica. La transparenza è dada tras la tecnologia blockchain che stat a la basa. Mintga banca centrala che acquista quest asset diversifichescha ses investiments cun in asset deflationar cun in augment da valur teoricamain interminabel en in ambient uschiglio mo inflationar.