I para a mai che la manisaziun d'in vehichel po vegnir resumada sco ina successiun d'algoritms, quai vul dir reglas da resguardar. La qualitad da la manisaziun po vegnir testada e sco quai ch'i para, fa la maschina actualmain meglier che l'uman, ella identifitgescha pli spert ils privels, obstachels, etc. e frena u reagescha pli spert ch'in uman. Ella na vegn betg stancla e na sesa betg en siemi admirond la cuntrada dal viaduct da Chillon; ella na sa lascha betg distrair, cura che ils uffants sa dispitan sbragind sin il banc davos.

I restan probablamain anc cas limits (tipicamain en cas da lavurs, cura ch'i dat novas lingias pictadas sin via sur las lingias ordinarias, u sche la via è donnegiada, pon ins supponer che l'intelligenza artifiziala (IA) hesitescha per ina fracziun d'ina secunda e sbagliescha potentzialmain. Ma betg al punct da sgular en ina mir u en in passant. E suenter, era tals cas po ella emprender da controllar. Segir, IA u betg, voss auto resta in object e sco tal n'assumescha el nagina responsabladad. Ma en quel senn che las paucas errurs ch'ella fa, avessas ti tuttina era fatg, n'ha quai nagina impurtanza.

Laschai a mai mia quietezza en l'auto. Ils sistems d'assistenza en vehichels pli novs èn gia avunda invasivs, quels che vegnan sfurzads si a mai dal legislatur cun bunas intenziuns. Almain lur deactivaziun suenter mintga nova partenza, sche quai è insumma anc pussaivel. Qua laud jau mes vegls chariotsn che fan simplamain quai, per il qual els èn vegnids inventads e construids, numnadamain IR. Che els possian anc servir ditg cun tgira adequata. Quai protegia ils nervs, l'ambient e la finanzas.