L'utilisaziun raziunala da la limitaziun da 30 km/h è relevanta en quartiers d'abitar. Ma l'applicaziun senza discerniment sin vias principalas ha mo la finamira da dissuader ils utilisaders senza distincziun.

Quai chaschuna er situaziuns absurdas, nua che la zona da 30 km/h finescha... a l'entrada dal quartier d'abitar! Questa situaziun pon ins observar bain a Friburg (quartier da Beaumont, dal Jura) u a Bulle. Quai chaschuna er ina malsegirtad davart l'extensiun pertutgada, cun midadas permanentas tranter 30-50-30; ideal per emplenir las cassas cun intgins radars plazzads strategicamain. La mancanza da logica tar las passarellas per pedunzs avra er ina gronda malsegirtad tranter automobilists e pedunzs, sco per exempel la traversada davant il center commerzial da Bulle ed il quartier da la Toula, nua che la traversada è cumplitgada perquai che nagut n'è propi fatg per nagin utilisader (velo, auto, pedun, bus).

Pia betg main, ma meglier: 30 km/h en las zonas d'abitar e 50 km/h sin las vias principalas (cun cuvrida).

Ir cun 30 km/h è main privlus, main contaminant, main canorus e tuttina spert sco ir cun 50. Nus tuts avain gia verifitgà quai, cura che nus vegnin adina puspè contonschids e la finala surpassads da ciclists. Nus stuain chalar da pensar che las citads sajan fatgas u appartegnian als automobilists.

La citad appartegna a quels e quellas che vivan là (e betg a quels e quellas che passan....). En citad posseda dapli che la mesadad da las chasadas nagina auto.

En citad sa mova ins a pe, cun velo u cun il traffic public. Quai è segir, saun, quiet e spert. Plinavant spargna quai plaz che po vegnir duvrà per auters intents pli creativs, convivials e collectivs che per parcar milli tonnas da fier immobil e disgrazius ch'è vegnì bandunà là, cura che l'automobilist è arrivà a sia destinaziun. Per dir quai curt: Quels e quellas che han decidì da viver ordaifer la citad ston emprender da laschar lur charrotscha a l'exteriur, cura ch'els ed ellas vegnan a guder ils plaschers da la citad.