Na. Ils "destructurs" menziunads na fan auter che exprimer ina gritta memia violenta, ma tuttina commensurada cun la mancanza d'acziuns da noss politichers cunter ils abus che blers stadis commetten anc adina.

Noss mund provochescha reacziuns extremas, perquai che nus na savain betg agir cunter la violenza da nossa atgna societad. Savens pon ils pli povers, ils pli giuvens, quels ch'ins auda il main u ils main ferms betg sa defender senza sustegn. Bandunads e malcuntents, l'unica moda ch'els pon s'imaginar per exprimer lur decepziun sa reducescha ad in schabetg anormal.

Ultra da quai attiran demonstraziuns chapaivlas (p.ex. per la pasch e renconuschientscha da la Palestina), ma che destabiliseschan ils stadis culpabels d'inerzia u indifferenza, adversaris che profitan dals excesss d'"individis scusabels" per empruvar da transfurmar ina reuniun legitima en in tumultuari reproschabla.

Ans mussain gists en noss giudicats, ils "destructurs" èn ina minoritad fraschigliusa ch'ins sto controlar cun mesira.

Questa discussiun vegn sco reacziun a quai ch'è capità a Genevra ed a Berna.

A Berna n'era la demonstraziun betg permessa. Ha insatgi dumandà la permissiun e lura ha ins refusà quella? Jau na sai betg.
Devi persunas responsablas identifitgadas che manavan la demonstraziun? I para che na.

Malgrà quai ha la polizia laschà liber la Plazza federala, respectond uschia il dretg constituziunal da demonstrar.

A la testa dal cortegi eran destruiders, cun chapitschas e cun elmets, vegnids cun l'intenziun da devastar.
Han quels che han clamà a la demonstraziun dumandà a questa glieud da partir u sa distanzià dad els? Jau na crai betg.

En il telegiurnal il di suenter hai dà in'intervista cun in demonstrant paschaivel che chatta che la polizia haja exagerà.
Mintga giada, en questas situaziuns, prendan ils schurnalists il maini da glieud paschaivla che critica la polizia.

Quai ma fatschenta e jau chat che quels che cloman da demonstrar, ston star buns per las consequenzas che resultan da quai.