Sco divers auters parairs ch'jau parteg, l'immigraziun n'è betg ina soluziun, perquai che l'immigraziun sezza creescha per forza novs basegns, savens gist uschè impurtants sco quels ch'ella duess cumpenssar (abitaziuns, scolas, vias, infrastructura, meidis eospitals, e.u.v.). Ins betunescha dapertut e lura ins s'accorscha ch'i dovra anc dapli immigraziun per ils novs basegns. Plinavant fa l'immigraziun cleramain sbasssar ils salaris. Ils tschertgaders da lavur na chattan betg lavur, tranter auter pervia da lur vegliadetgna, ma betg mo. Els na cumparan betg adina en las statisticas, perquai ch'els svaneschan da las statisticas suenter che lur perioda da dischoccupaziun è terminada. Ed i dat bler dapli da quels che quai ch'ins pensa. Questas persunas èn pertutgadas en lur sanadad. Intgins sa refugieschan en l'alcohol u en la droga e sa marginaliseschan il pli tard. Els fineschan inevitablamain en l'agid social, quai che declera per part l'explosiun dals custs socials.

AVRIN NOSSAS PORTAS PER IL SECTUR MEDICINAL

Nus avain actualmain ina populaziun che vegn adina pli veglia.

Las professiuns en il sectur medicinal èn indispensablas per nossa existenza.

Pertge betg offrir plazzas da lavur en il sectur da la sanadad per salvar e tgirar persunas attempadas u malsaunas?

Universitads existan er en auters pajais, sco er persunas cun diplom en quest sectur existenzial da la sanadad.

A partir d'ina tscherta vegliadetgna, nus custain memia bler en Svizra per las assicuranzas socialas, entant che la sanadad è in captal finanzial enorm.

Las persunas che acceptan da vegnir a lavurar en Svizra bandunan lur atgnas ragischs. Cura che questas persunas arrivan en Svizra, ston ellas reconstruir tut: abitaziun, contacts socials, chattar lavur, ina nova structura da vita. Quest curaschi extraordinari che questas persunas mussan, merita bain ina renconuschientscha cun als attribuir plazzas da lavur en il sectur medicinal. Nus avain urgentamain basegn da questa schanza.