Las iniziativas che Donald Trump contribuescha a la pasch èn – consideradas en moda neutrala ed objectiva – propi d'appreziar. Ma sia cumparsa da show e quasi penibla, emplenida cun bler laud da sasez, ma para cumparabla cun "greenwashing". D'ina vart ans incantescha el cun bler show superficial, da l'autra vart agescha el en moda destructiva e senza far patratgs davart quant offensiv e senza respect ch'el tracta persunas che na al convegnan betg. Donald Trump è per mai cumplettamain nunverdaivel. Ma quai che ma fatschenta er è quants umans che al suondan senza critica. Er quest chalisch da la FIFA è per mai in simbol spaventus da co ch'il tema da la pasch vegn duvrà superficialmain e per part gia quasi abusivamain per sa metter sez en glisch e gloria. Talas persunas laschan tar mai l'impressiun ch'ellas han pers mintga sentiment per autocritica e ch'ellas èn cumplettamain persvadidas da far dal bun. Inquietant.

Sut ina communicaziun intenziunalmain caotica, surprendenta ed agressiva exista in plan che sa basa sin la constataziun che la regenza dals Stadis Unids n'ha betg pli ils meds finanzials per giugar l'arbiter dal mund sco quai ch'ins ha pretendì dad ella, e quest retratg en sia sfera privata fa che ils Stadis Unids n'èn actualmain betg in factur da guerra.

Per far ina guerra da conquista, sto ins esser fitg rich u almain bler pli rich che ils adversaris.

Qua n'è quai betg il cas, ils Stadis Unids èn en difficultads finanzialas e nus constatain il retratg da lur forzas armadas da plirs lieus, cun la stgisa che ils auters ston prender responsabladad (adina ina communicaziun che na vul betg admetter sia debilitad). Plinavant, per chattar puspè la prosperitad, dovri la pasch che suletta permetta il commerzi che permetta da crear valur agiuntada.

L'istorgia lunga mussa che la guerra daventa propi ina smanatscha cura ch'i dat in rearmament da las flottas da guerra. Dentant, en quest mument n'è la US Navy ni en expansiun ni en ina posiziun agressiva. (i dat autras marinas che èn en tala posiziun)