La dumonda è superflua, perquai ch'i na darà nagina refusa. Quai fiss er unfair visavi ils participants. Plitost duess ins far patratgs davart la substituziun da Gianni Infantino, uschè svelt sco pussaivel. El è ina vergugna per il ballape, ina provocaziun, manà da pussanza e daners. La FIFA duess sa restructurar. Per quai stuess er vegnir la pressiun dals sponsurs. Jau suppun dentant che ils gieus na correspundian betg a las aspectativas areguard il dumber da spectateurs. D'ina vart l'insecurezza en ils Stadis Unids, controlla rigurusa als eroports etc. e bigliets chars e custs da dimora. La ceremonia d'avertura e da finiziun cun il baterlim da Trump ed Infantino vegn jau a ma spargnar.

Il sport è adina stà politic. Jau na guard tuttina betg ballape, ma sch'jau fiss in fan, vegniss mo in boicot total en dumonda. Ils giugaders ed ils fans ston simplamain laschar passar quest circus questa giada. Il Mexico ed il Canada duessan retrair lur participaziun. Gea, renunziar fa mal, uschiglio è quai be ipocrissia!

Apps per evitar l'acquist da servetschs u products dals Stadis Unids datti er tar nus, per exempel Boycat e No Thanks! Funcziuneschan bain.

I na va betg mo per morala, solidaritad e caracter: La regenza actuala dals Stadis Unids è faschistoida e sto vegnir isolada il pli spert pussaivel. Betg mo la politica svizra e noss cussegliers federals restan mits, èn memia quiets e memia laffs per agir. Il mund è sut schoc.

Nus tuts pudain far ina differenza, perquai che bleras guttas fan in mar. 

Quai che capita en ils Stadis Unids è la materia d'in sien mal da noss cudeschs d'istorgia da damaun.