En princip hai jau fidanza en la giustia ed en la separaziun da las pussanzas. Dentant è en il Vallais tut uschè intretschà – quai che ha a la fin finala er favurisà la catastrofa – ch'ins sto avair dubis. Quai è sa mussà immediatamain suenter l'incendi: Sin il lieu ha ins sutvalità dal tuttafatg la dimensiun da la catastrofa e l'interess internaziunal per quella ed è per l'emprima giada sa preschentà en l'arroganza e maniera maliziusa usitada. E deplorablamain datti er ina lunga tradiziun vallesana da catastrofas che nutrescha il dubi per ina scleriment cumplain ed ina persecuziun penala: Avant 60 onns èn morts a Mattmark 88 lavurers, surtut talians. Tuts responsabels èn vegnids liberads e las famiglias da las unfrendas han stuì pajar la mesadad dals custs da dretgira. Fatgs gravants che cumprovan che ils responsabels savevan dals privels ha il tribunal negà (cf. il cudesch dad Elisabeth Joris, 2025 en la chasa editura rotpunkt).

L'autorità penala lavura correctamain, tenor il princip da legalitad, art. 5 CF. Igl è normal che insatgi n'è betg cuntent cun quai che la giustia e la giurisprudenza fan. Perquai che savens vul ins che las persunas che lavuran là, fetschian quai ch'ins vul sez: ina giada uschia, ina giada uschè, ina giada auter etc. Uschia dessi tantas modas dad investigar, d'agir e da giuditgar sco che i dat umans - mintga uman decidiss sez co ch'el u ella vul avair quai. Tenor il princip da legalitad è la lescha la basa per l'agir da las autoritads, da la giustia etc. Perquai recummond jau a tuts che na sa sentan betg bain cun quest sistem, d'agir immediat: Giai en la politica, midai las leschas uschia ch'ellas correspundan a Vus. Fatg insatge - betg spetgar, betg esser indignà. Jau giavisch a tuts ina buna emna.