Ils Gös Olympics restan ina festa magnifica dal sport, malgrà ils sperts malcuntents. Il success popular da Paris 2024 è in exempel cler (malgrà l'incredibla critica da sai sez dals Franzos che ha precedì). Natiralmain, las criticas èn legitimas e necessarias. Ed igl è grazia ad ellas che nus ans muvain plaun a plaun dal gigantissem da Peking u Sotschi vers in format pli decentrà che reutilisescha meglier l'infrastructura existenta. Ils custs da l'infrastructura èn adina stads il punct nair, il budget operativ dals Gös Olympics n'ha mai chaschunà debits. Il CIO ha chapì quai bain e sche nus guardain las proximas ediziuns (Los Angeles, Brisbane, las Alps franzosas, Salt Lake City e sperainsa la Svizra), èn quai mo lieus nua che l'infrastructura exista gia. Ma l'imaginari collectiv ha mo ils ultims fiascos en memoria e quai è normal. La fidanza è segir rutta, ma igl è la responsabladad dal CIO e dals proxims comités d'organisaziun da la restabilir. E sco adina, ins critichescha, ma suenter ins vibrescha cun entusiassem.

Ils Gös olimpics (GO) pudessan esser ina festa da sport, sche i giess principalmain per las atletas ed ils athletes. Deplorablamain n'è quai betg il cas. Il text sa referescha a l'Europa/als Stadis Unids, betg a la China etc. Speculants da tut gener profitan da l'occasiun per far gronds gudogns grazia als GO. Exempels? Cun plaschair. Possessurs da chasas e da butias en la regiun pertutgada affittan lur abitaziuns e lur fatschentas per pretschs exorbitants durant il temp dals gieus. Il caracter da quests lieus n'ha lura nagut pli da far cun quel d'avant e suenter ils GO ... pir gigantissem. Antholz: l'arena da biatlon è ina da las meglras en il chalender da concurrenza. Mintg'onn han lieu concurrenzas da la cuppa mundiala, avant paucs onns è tut vegnì meglierà anc per ils campiunadis mundials. Ed ussa han lieu là ils GO. Milliuns han stuì vegnir investids. Segirezza: milliuns ston vegnir spendids. A la fin èn quai adina daners da taglia. Grazia als GO extenda mintga organisatur sia infrastructura en in mod ch'ils burgais e las burgaisas n'acceptassan uschiglio mai. Svizra 2038, NA