Optar per dapli controllas ans renda en fatscha ils eveniments tragics da Crans-Montana. Las prescripziuns existan, ma ina "quai m'è tuttina" para da predominar. Quai è la gronda flaivlezza d'in sistem liberal che lascha il champ liber per quasi tut, en spezial areguard ils products alimentars. Vus na pudais mai impedir in chemicher d'inventar novas receptas per far crair a vus che il product è meglier che quel vegl. In additiv vegn scumandà e las multinaziunalas inventeschan novs. Adina esser avant las legislaziuns. L'industria alimentara suonda las medemas metodas sco il "Drug-Design". Uschè ditg che la nova formula n'è betg sin la glista dals products scumandads, è il profit garantì. Dapi adina han ins inventà meds per augmentar ils profits. En il 18avel tschientaner, mazlers che eran maisters en l'art da falsifitgar il pais e furners che agiuntavan da tut e da mintga sort a la farina. Trais tschientaners pli tard triumfeschan las multinaziunalas a la bursa.

En general, il stadi sto sa dar ils meds per far valair las leschas ch'el decretescha, saja quai en la segirezza alimentara, en la protecziun cunter il fieu u en mintga auter sectur... Sche las leschas ed ordinaziuns vegnan fatgas mo per sa proteger e per dar l'illusiun che tut saja sut controlla, crodain nus inevitablamain en abus e cuntravenziuns.