La Svizra na gudagnass nagut sche ella renunziass a l'acquist d'armas americanas. La neutralitad na pretenda betg l'isolaziun, mabain la capacitad da sa defender cun meds credibels. En secturs essenzials sco l'aviatica da cumbat da la tschintgavla generaziun u la defaisa da l'aria moderna, ils sistems americans restan tranter ils pli avantagiads. Noss pajais na posseda ni la grondezza industriala ni las resursas necessarias per sviluppar sulet talas capacitads; la tscherna sto pia sa basar sin la prestaziun e la fidabladad, betg sin consideraziuns ideologicas. Plinavant n'è la relaziun betg unilaterala: l'industria svizra contribuescha er ella, cun sia savida tecnologica, a la cooperaziun occidentala. Refusar per princip questas acquisiziuns fiss main in rinforzament da nossa autonomia che in sflacconiment da nossa segirezza.

Jau na sun betg in adversari da l'armada. Jau sun persvadì che nus duvrain ina armada decenta, dentant betg ina armada da milissa.

Atgnamain avess jau er pudì votar na. Quai che m'ha impedì da far quai è la naivitad dals amateurs tant en il Cussegl federal sco er en il departament. Els n'han nagina idea co concluder contracts. Sche lura la cuntrapart èn ils Stadis Unids arrogants e betg fidads... jau pudess er agiuntar Israel, la dumonda sa referescha dentant mo als Stadis Unids.