Indrizs da funtaunas segirads a l'extrema, in culm da novas dumondas da construcziun e hallas da gimnastica che n'èn betg pli hallas da gimnastica – quai ch'il WEF munta per chau-funtaunas, per las autoritads e per uffants da scola…

Per ch'il president ucranais Wolodimir Selenski possia duvrar senza tema l'aua da Tavau, dovri mesiras da segirtad. Per el sco era per ils auters giasts d'aut rang dal Forum mundial d'economia 2024 vegn il provediment d'aua da Tavau surveglià strictamain. Per impedir ina sabotascha gidan la polizia ed il militar. Ina visita dals indrizs per far sez in maletg n'è betg pussaivla per motivs da segirtad.

Michel Decurtins

https://pilot-prod-videos.s3.eu-west-1.amazonaws.com/rm/gross-indigo-chicken_de_DEEPGRAM-WHISPER.vtt

Dapli quitads fetschian al chau-funtauna dentant plitost cas da donns pli normals, sco quai ch'el ha declerà al schurnal regiunal Grischun en connex cun il WEF. Tranter quels sajan per exempel idrants surcharrads u ina ruttadira d'aua. Ina tala avant il center da congress fiss per ils responsabels dal provediment d'aua in scenari da «Worst-Case».

Passa 100 dumondas da construcziun supplementaras

Er uschiglio regna in stadi excepziunal en, enturn e sur Tavau. Ina curta resumaziun en cifras da l’onn precedent:

Davart las dumondas da bajegiar è vegnì rapportà – cuntrari als numerus giasts u l’engaschi da l’armada – plitost darar. Il grond dumber da dumondas sa declera tras il fatg ch’i dovra per mintga midada ina inoltraziun. Pia per edifizis u reclamas temporaras da fatschadas sco er per la midada d’utilisaziun da stizuns e restaurants. En las qualas ins chatta durant il WEF per exempel firmas dad IT u organisaziuns turisticas da l’exteriur.

https://pilot-prod-videos.s3.eu-west-1.amazonaws.com/rm/islamic-violet-lemming_de_DEEPGRAM-WHISPER.vtt

En tut datti custs d'in mez milliun francs per las lavurs enturn il WEF. Tranter quellas è era l'entira planisaziun per installar e reducir u era per persunal da segirtad. Pajà vegn quai tut da las firmas sezzas.

Questas lavurs da renovaziun n’èn per Jules nagut auter ch’in «tohuvabohu gigant». Ed era la situaziun da traffic è ina sfida per il scolar da la scola primara e sia classa quests dis: Tuttenina èn vias serradas e la via da scola na va betg pli la medema cursa sco usità. «Quai chatt’jau tup», manegia Lea e di: «Uss stoss jau ir lung la via principala, nua ch’igl è ultra da quai anc privlus.»

Da l’autra vart scroda l’instrucziun da gimnastica, damai che la halla vegn duvrada per il WEF. E quai chattan ils uffants «cool». Era ch’i dat persuenter gist trais dis sin pista da skis.

Tavau en stadi excepziunal

Val'il WEF la paina?

Co ch'il 'Daovs Man' ha surpendì il chapitalissem

Il schurnalist Peter Goodman, autur da «Davos Man», argumentescha ch’ils milliardaris che sa radunan en las Alps per l’inscunter annual dal Forum economic mundial sajan ina «spezia separada» che saja daventada uschè pussanta ch’ella scrivia las reglas per il rest da nus.

La noziun «Davos-Man» è vegnida creada dal politolog Samuel Huntington che l’ha duvrà l’emprima giada l’onn 2004 en in essai, en il qual el ha descrit umans ch’eran enritgids da la globalisaziun uschia ch’els vivevan praticamain senza loialitad tar ina tscherta naziun. El sa referiva directamain a mintgin che viagiava regularmain a Tavau per sa participar al forum economic mundial annual WEF.

En il fratemp è la noziun sa sviluppada ad in pled-clav, cun il qual schurnalists designeschan sco Goodman quels che sa chattan en la «stratosfera da la classa mundiala» dals milliardaris.

SWI swissinfo.ch ha discurrì cun Goodman a chaschun da la dieta annuala dal Forum mundial d'economia 2022.

SWI: Vus essas stads diesch giadas al WEF. Tge fa che Vus turnais adina puspè?

Peter Goodman (P.G.): Igl è davairas in’experientscha fitg interessanta, sch’ins sa regorda ch’ins è schurnalist e ch’ins na sto betg sa tegnair a las reglas prescrittas da la societad. Ins po observar umans fitg da strusch, co ch’ins na po uschiglio betg tar glieud uschè pussanta e ritga. La part ch'è difficila da prender è l'emballadi ch'els «èn engaschads da meglierar il stadi dal mund», sco sch'ina radunanza dals pli gronds profitaders dal status quo manass x-insaco a quai.

P.G.: Jau pens che la prestaziun primara dal WEF è, ch'el ha dà als milliardaris che persequiteschan vinavant in'agenda da reducziuns da taglia, da deregulaziun e dal management da PR, ina via da signalisar al mund ch'els chapeschian, pia ch'els chapeschian ils problems da l'inegualitad economica e da la midada dal clima. Ed els èn propi engaschads per far insatge encunter.

I dat ina massa glieud intelligenta, cun patratgs profunds e versada che lavura per il WEF. Els publitgeschan impurtants rapports. Bleras discussiuns al podi sez mettan ils temas impurtants sin maisa. Ma nus na duessan betg pigliar nus sez per il nas. La fin finala capita quai sut il tetg d’ina organisaziun d’util public, in’interpresa che ha grond success e che vegn manada da Klaus e Hilda Schwab. Nus na savain betg nua ch'ils daners van.

SWI: En Voss cudesch faschais Vus responsabels milliardaris per blers da noss problems. Èn quai propi be in pèr ovs marschs u èsi in problem plitost sistematic?

P.G.: Igl è in problem sistematic. Jau avess pudì scriver quest cudesch cun tscherner 20 auters caracters. Jau hai tschernì quels tschintg ch’jau hai tegnì per ils pli persvadents. Quai èn giugaders gronds. I n’è betg uschia sco sch’jau avess selecziunà be intgins singuls malfatschents. Steve Schwarzman è il pli grond magnat d’equity privat e posseda sin l’entir mund quantitads surprendentas d’immobiglias. Larry Fink è il pli grond administratur da facultad dal mund. Sia interpresa BlackRock administrescha investiziuns en la valita da 10 billiuns dollars. Las consequenzas èn enormas. Jeff Bezos na dovra nagin'introducziun.

Marc Benioff è in actur da tech fitg impurtant en il Silicon Valley ed el è la vusch la pli dad auta per il stakeholder chapitalissem. Jau pens ch’el è sa deditgà a la filantropia e crai vi da l’etos dal Forum. E tuttina, malgrà ch’el sa preschenta sasez sco actur dal progress uman, è el la finala in che pussibilitescha il status quo, tge ch'è exact quai ch’il Forum fa. El fa pussaivel il status quo mascrà d'agent da la midada.

SWI: Tut quests exempels vegnan dals Stadis Unids da l’America. Crajais Vus che quai è in fenomen american, surtut la pussanza creschenta da la classa da milliardaris?

P.G.: I n’è betg mo american. I pudess esser a l'extrema. Ma guardai la Frantscha, nua che Emmanuel Macron, in Davos Man, entra en uffizi, finanzià d’in mantun milliardaris, inclus ses ami Bernard Arnault, cun la missiun da sbassar u abolir las taglias sin facultad. El ha la funcziun d'in agent transfurmativ che vegn da derasar schanzas en Frantscha e da modernisar la societad petrifitgada, ostila a l'economia, memia birocratica cun in'auta dischoccupaziun. Sco emprim sbassa el las taglias sin la facultad ed augmenta lura las taglias sin ils tschains da benzin, fitg per mal dals blers umans che vivan dador citads grondas e dovran lur autos per vegnir là nua ch'els vulan. Ed il resultat è il moviment da las vestas melnas ed in'unda da sustegn per il moviment che demonisescha immigrants da Marine Le Pen.

Quai po avair cumenzà en ils Stadis Unids e sa basar sin Milton Friedman e sia teoria da la maximaziun per ils acziunaris sco princip d'organisaziun da la vita commerziala. Ma lura è quella vegnida exportada en l'entir mund.

L'elita globala, da la quala la ritgezza è greva da chapir per il rest da nus, ha creà ina retscha d'interess ch'èn simplamain separads dals auters da nus. E quai è la finala il motiv, pertge che jau hai sviluppà quest concept dal Davos Man sco spezia independenta, perquai che quests milliardaris, che fissan pussants avunda da scriver las reglas, prendan en mintga cas en mira in’autra realitad ch’il rest da nus.

SWI: Vesais Vus la rolla da la Svizra en connex cun la furmaziun dal Davos Man sco impurtanta?

P.G.: L'element da secretezza sco part inerenta da l'activitad commerziala è segiramain d'impurtanza. Il fatg che la Svizra è dapi generaziuns in lieu, nua che persunas ritgas pon vegnir - i dat naginas dumondas, far lur fatschentas e chattar ina birocrazia fitg cumpetenta che protegia lur secrets per muventar daners – jau na crai betg che quai saja ina casualitad.

I n'è betg casualitad che questa interpresa d'utilitad publica, ch'è atgnamain ina fatschenta cun grond success, vegn sustegnida en in pajais che ha la secretezza sco avantatg en cumparegliaziun.

https://pilot-prod-videos.s3-eu-west-1.amazonaws.com/rm/atomic-khaki-fish_en_SPEECHMATICS.srt

SWI: Vus scrivais en Voss cudesch che la pandemia haja revelà «l’entira dimensiun da l’appetit enorm dal Davos Man». Co lura?

P.G.: La situaziun da vaccinar è anc mendra che quai che jau m’hai imaginà, cura che jau hai scrit il cudesch. Nus subvenziunain ils gudogns da monopol dal Davos man sin quels paucs vaccins - per ils quals nus essan engraziaivels - cun perpetuar la pandemia. Pertge discurrin nus anc adina da tut quellas variantas? Ussa, la gronda part da l’umanitad n’ha betg quests vaccins. Pertge è quai uschia?

Pertge ils leaders han ditg che la fiera vegnia simplamain a s’occupar da quai e l'industria farmaceutica bainvulenta vegnia a proteger l’umanitad. Ed ella ha laschà encrescher cumplettamain. Nus avain repartì ils vaccins per ch’ils acziunaris da Moderna e Pfizer survegnian tant sco pussaivel. Ed il resultat è: Sche nus avain il cletg da viver en pajais sco ils Stadis Unids da l’America u la Svizra, avain nus survegnì vaccins en abundanza. En il Pakistan, nua ch'i dat anc adina medis che tractan persunal medicinal a la front, betg tant.

SWI: Vus avais publitgà il cudesch il schaner 2022, circa in mais avant la guerra da l’Ucraina. Sche Vus scrivessas ussa (matg 2022) in ulteriur chapitel, tge scrivessas Vus?

P.G.: Sche jau lavurass anc vi dal cudesch, scrivess jau da quellas sancziuns ch’èn incrediblas areguard da co che l’Europa s'è unida davos quellas. Ma pensain vidlonder che las sancziuns per Private Equity èn praticamain exclusas. Jau hai gist mussà cun il det sin la Svizra, ma ils Stadis Unids èn propi il center ultimativ d’offshore-banking, perquai che Davos Men profitescha che Private Equity n’è betg suttamess a las medemas pretensiuns da transparenza sco il sistem da bancas normal. Il senn da mes cudesch è da dir che quai n’è betg ina casualitad. Quai è la consequenza directa da la lobi dals servetschs da finanzas e cunzunt dal sistem da la private equity chapind che cun dapli secretezza dapli daners.

Prendain che squitsch sin oligarchs russ vegnia ad influenzar Putin. Ma nus n'applitgain gnanc il squitsch cumplain sin ils oligarchs, perquai che nus protegian noss agens oligarchs.

SWI: Tge duess il WEF far auter a ses avis?

P.G.: A Tavau vegnan ils dretgs pleds pledads. Perquai na vai betg. I na va la finala betg per la bainstanza a Tavau. I va per il rest da nus. Ils carstgauns en societads democraticas ston surmuntar l’imaginaziun che nus pudain sa fidar da quests buns milliardaris per schliar noss problems. Noss problems vegnan schliads pir, sche nus pretendain chaussas sco la taxaziun progressiva, il dretg da cartel e la mobilisaziun da las forzas da lavur per ch’ils lavurers possian era esser da la partida. I na va betg per refurmar ils milliardaris.

"Inscunter da la species che fa las reglas"

André Kudelski: «Nus stuain observar bain las tensiuns nord-sid»

https://pilot-prod-videos.s3.eu-west-1.amazonaws.com/rm/ugliest-plum-capybara_fr_DEEPGRAM-WHISPER.vtt

André Kudelski, CEO da la gruppa da Kudelski, analisescha il Forum da Tavau (WEF) 2023 cun cartas maschadadas da nov en vista al multilateralissem ed ina divisiun creschenta tranter il nord ed il sid areguard il conflict da l’Ucraina.

L’inscunter annual dal Forum economic mundial stat curt avant la finiziun. È l’inscunter 2023 senza gronds schefs da stadi – cun excepziun dal chancelier tudestg Olaf Scholz – da taxar sco annada da pauca valita?

André Kudelski, la gruppa dal qual appartegna dapi l’onn 1999 a las 100 interpresas partenarias strategicas dal WEF, vesa ella anzi plitost sco in barometer detg interessant per ils interess dals pajais industrials ils pli gronds. Igl è remartgabel ch’ils pajais pli ritgs paran l'ultim temp da sa metter en lignia areguard lur miras vers il multilateralissem.

«Nus vesain actualmain tut las iniziativas pussaivlas per dapli producziun locala, ubain quai che nus numnain Friend-Shoring – la producziun da chaussas en pajais alliads – quai che n’è betg in sistem multilateral», ha ditg André Kudelski venderdi a RTS La Matinale. Questa perdita da gust dals pajais ritgs dal sistem multilateral accentuescha tant pli «ina gronda said da collavurar multilateralmain da vart dals pajais dal sid», uschia il schef d'interpresa.

Il WEF da Tavau duess vegnir vesì sco cumpass, sco utensil funcziunal, uschia il Vadais. Patratgà per ils ecosistems da regenzas, interpresas, medias e tranteren er intginas organisaziuns nunguvernamentalas ans pussibilitescha el d’identifitgar tendenzas e da vesair sfidas. Ed er sch'il motto dal WEF «Meglierament dal stadi dal mund» para ambizius, gea er engianus, n'è per André Kudelski l'incumbensa da l'inscunter betg quella da schliar problems, mabain da numnar els.

Ord vista da la Svizra e da l’Europa è la guerra en l’Ucraina da grond’impurtanza. Ma quai na vegn betg percepì uschia dals pajais dal sid che resentan ina gronda malgistadad.

«Quai che jau hai pudì constatar durant quest onn è in grond problem tranter nord e sid. E jau pens che nus stuain esser fitg precauts da betg sutvalitar quest problem durant ils proxims mais ed onns. Or dal punct da vista da la Svizra e da l’Europa è la guerra en l’Ucraina da gronda impurtanza, cun in element fitg impurtant da la solidaritad. Ma quai na vegn betg percepì uschia dals pajais dal sid che resentan ina gronda malgistadad. Quai stuain nus tegnair en egl exact», di el.

Sco instituziun nunmidabla che punctuescha l’onn economic – e beffegià da las inas sco inscunter nua ch'ils «milliardaris vegnan per raquintar als milliunaris co ch’i va a la classa mesauna» – mantegn il Forum da Tavau sia lunga vita paradoxalmain a sia capacitad da sa midar: «Sur diesch onns è il svilup fitg impurtant. En egl dat ch'adina dapli firmas curran en la citad: i na dat betg in sulet café che resta normal. Tavau daventa adina dapli in ecosistem nua che bleras chaussas van parallel e betg mo singuls elements en il center da congress», di André Kudelski.

L'aspect il pli positiv da l'inscunter sajan stads ils numerus dialogs, di l'interprendider ch'è sez participà a bleras iniziativas dal WEF. «Quai è in lieu fitg ferm per il multilateralissem. E sche nus vesain oz ch'i dat ina sort crisa dal multilateralissem, lura na munta quai betg ch'i saja ina crisa da Tavau, mabain ina crisa da l'entir sistem ecologic.»

"I va per identifitgar problems"

Chattai ora nua che Vus stais

PODCAST – Ina spassegiada tras ils lieus main convenziunals e visibels dal Forum mundial d'economia

https://pilot-prod-videos.s3.eu-west-1.amazonaws.com/rm/major-azure-duck_it_DEEPGRAM-WHISPER.vtt

Davart il Forum economic mundial (WEF) a Tavau vegn savens rapportà da la tribuna principala dal Center da congress u dals locals dals uschenumnads «panels». En quest'episoda da noss podcast «Il mondo là fuori» dain nus in sguard sin ils lieus d’occurrenza main convenziunals dal Forum che reflecteschan dentant il meglier l’uschenumnà «Spirit of Davos». In café en la «Central Lounge», ina visita en il «Media Village» ed ina visita en l'«Open Forum» per far patratgs critics davart la reuniun dals pussantas en il cor dal Grischun.

davos las culissas dal WEFD

Voss feedback!

Il WEF custa a la confederaziun plirs milliuns francs, millis da schuldads èn en acziun, Tavau è bloccà. renda questa fadia per il WEF?

Vossa selecziun