Bleras persunas desistan il schaner sin alcohol, zutger e charn. Fatg curaisma na vegn era betg pli en il temp da la curaisma, mabain gia il schaner. Dal desister tschantschan ins bler l'entschatta da l'onn, in afar èsi dentant l'entir onn.

Il schaner stat per blers il desister en il center. Quai vegn dal desideri per recreaziun, resilienza e sanadad. Ma il desister dad insatge va maun en maun cun alternativas per quai insatge – auters products. Da quai resultan champs da fatschenta da milliardas. Ina survista:

Detoxing – curaisma: Far curaisma è entant ina part da la branscha da turissem da wellness da bunamain 700 milliardas dollars, cunquai che bleras persunas na vulan betg far curaisma sulet a chasa, mabain ensemen cun auters en hotels. En Germania ed en l'Austria datti clinicas spezialas u hotels da curaisma, en Svizra mettan hotels u claustras a disposiziun lur chombras a gruppas externas che fan vacanzas da curaisma sut instrucziun professiunala. Ch'i dat strusch hotels ch'èn sa spezialisads en Svizra giascha tenor l'expert Roland Lymann da la scol'auta da Lucerna per l'ina vid la tradiziun e per l'autra vid quai che las cassas da malsauns na surpiglian betg ils custs. Auter ch'en Germania ston giasts da curaisma savens pajar sez las curas.

Michel Decurtins

https://pilot-prod-videos.s3.eu-west-1.amazonaws.com/rm/certain-turquoise-grouse_de_DEEPGRAM-WHISPER.vtt

Schaner sitg: Il schaner desista en Svizra mintga 8avla persuna d'alcohol. L'iniziativa «Dry January» era oriundamain da la Gronda Britannia. Inizianta è Emily Robinson che trenava da lez temp per in mez maraton e che desisteva perquai in mais d'alcohol. Ella era conscienta quant impurtant che l'alcohol ed ils discurs sur da quai èn en la societad britannica. Cun «Dry January» ha ella vulì etablir ils avantatgs da «senz'alcohol».

Bavrondas senza alcohol survegnan dentant era en il rest da l'onn dapli impurtanza. Effectivamain tutga questa categoria da bavrondas tranter lezzas ch'èn creschidas il pli fitg ils ultims tschintg onns. Enfin l’onn 2030 vegn la vendita da spirituosas senza alcohol u biera senza alcohol a cuntanscher pliras milliardas dollars. En Svizra fa biera senza alcohol ozendi ora bunamain sis pertschient dal martgà total.

Veganuary: Nagina charn, nagins products da latg, nagins ovs. Il schaner sa nutreschan set pertschient dals creschids en Svizra vegan. Tar quest resultat vegn la societad vegana da la Svizra che s’engascha per la tschintgavla giada activamain per il veganuary. L’idea vegn oriundamain da la Gronda Britannia. Il moviment s’engascha per in nutriment cun mangiativas puramain vegetalas.

Products vegans èn en il fratemp ina part da l’industria da victualias: La valur dal martgà da victualias veganas sin tut il mund è tar stgars 16 milliardas dollars (2021). Tenor prognosas vegn el a crescher fin l’onn 2025 sin bunamain 22.3 milliardas dollars. Er en l’Europa creschan las svieutas:

L’onn passà èn vegnids introducids en Svizra sulettamain il schaner passa 120 novs products vegans. La cumpart dals vegans en Svizra è tar 0.7 pertschient. Avant quatter onns eran quai anc 0.3 pertschient.

Senza zutger: Tge che vala sco «zutger» è dispitaivel. Per intgins èn il mel u il zutger d'ivas er sorts da zutger sin il qual els desistan en l'uschenumnada «sfida da zutger». Auters desistan simplamain da zutger granulà e na consumeschan perquai nagins desserts, bavrondas dultschas u era products da latg, als quals ins ha mess vitiers zutger. Il martgà per victualias e bavrondas senza zutger vegn stimà cun stgars 20 milliardas dollars. Tenor prognosas duai quest dumber s'augmentar fin il 2028 sin dapli che 23 milliardas.

La gronda fatschenta cun il desister

Detox: In gag da commerzi u necessitad per il corp?

L'opiniun d'ina scienziada da nutriment davart dietas e medicaments populars suenter il temp da festas

Ils excess dal temp da Nadal, dal mangiar fin a l'alcohol, pon intimar blers da tschertgar sveltas soluziuns. Dal far gigina fin a bavrondas miraculusas audan ins e legian ins bler. Era en las medias socialas.

Il pled detox far rir ils insiders, perquai ch’el è in term general, che ha savens da far cul commerzi mo munta tuttina tut e nagut. Detox da tge? Dals kilos ch’èn sa rimnads durant mais da disas nauschas? Dad in pèr drinks da memia?

Noss corp è ina maschina mirvegliusa ch’è equipada da natira cun organs che han l’incumbensa da mintga di filtrar viadora las substanzas ch’èn propi toxicas e nuschaivlas per noss corp. Substanzas che pron vegnir en il corp da l’ambient (polluziun e nutriment), ma che pon er vegnir producidas sezzas cun il rument che vegn producì entras noss metabolissem.

Il dir, noss organ da nettegiar par excellence, dovra substanzas nutritivas sco vitamins, antioxidanzas, acids aminus e proteins per pudair far la dischintoxicaziun. Per quest motiv n'è ina restricziun exagerada dal nutriment en l'emprova d'ans nettegiar betg propi raschunaivla.

Pia in 'na' ad ina curaisma pli lunga u a l'exclusiun cumpletta da proteins, da legums e da puma.

Sche nus avain il sentiment d'esser engrevgiads e da duvrar ina buna «nettegiada», è la soluziun la pli effectiva e persistenta quella d'entschaiver cun bunas disas da mangiar e d'eliminar excess.

Gidain damai noss gnirunchels, il dir e la beglia cun betg strapatschar els nunnecessariamain cun mangiativas grassas, victualias frittadas, spezarias, farinas, pettas, tratgas precuschinadas, alcohol e café. Lain baiver avunda, daventar pli plaun, trair flad profundamain, ans muventar mintga di e passentar temp en la natira, senza che nus agiunschain exnum dapli products che pon mintgatant schizunt esser nuschaivels.

Il cussegl è da sa fidar d'in bun profi che gida Vus da midar Voss nutriment da mintga di e da far adatg da quels che nizzegian Voss nauschs sentiments per vender products miraculus u plans da dietas draconicas.

Uschè savens che nus sentin il basegn, turnain nus ad in stil da viver pli simpel che respecta nossa fisiologia e reservain ils excess per ils dis da festa.

Dovra il corp curas da purificaziun?

Nagin alcohol da Nadal: interpresas reageschan sin trend

I na sto betg mo esser suc d'oranscha: Adina dapli persunas fan sur Nadal e sin Bumaun viva cun bavrondas senza alcohol. L'industria d'alcohol ha reagì sin quai e porscha ina schelta adina pli gronda.

Bavrondas senza alcohol èn en Svizra anc in pitschen martgà: La quota da biera senza alcohol è tar radund sis pertschient. La tendenza mussa dentant cleramain ensi.

Era marcas etablidas sentan ils effects: Uschia ha per exempel la bieraria danaisa Carlsberg, ch’è possessura da la marca Feldschlösschen, registrà il segund quartal 2023 en Svizra in augment da la svieuta dad otg pertschient tar lur products senza alcohol.

«Ils consuments vulan dapertut in stil da viver pli saun ed equilibrà, e quai sa reflectescha er en lur tscherna da bavrondas», ha ditg in pledader da Carlsberg envers l'agentura da novtiads AWP.

Tenor las cifras actualas da l’International Wine & Spirit Research Institute (IWSR) è la categoria da bavrondas senza alcohol stada ils tschintg onns passads la pli dinamica da tut las categorias da bavrondas. Enfin l’onn 2030 vegn il martgà ad avair in volumen da pliras milliardas dollars. «La tendenza al senza alcohol è visibla sin l’entir mund, era la Svizra na fa qua nagina excepziun», conferma ina pledadra da Campari.

Tenor ina pledadra dal concern da spirituosas Pernod Ricard han bavrondas senza alcohol procurà l'onn passà en il martgà svizzer per ina svieuta da 2 milliuns francs. Entaifer in onn è la dumonda sa dublegiada. Spirituosas senza alcohol èn schizunt stadas la suletta categoria da la gruppa ch'è creschida en il commerzi en detagl svizzer.

Quai duai er restar uschia: «Las perspectivas èn fitg positivas: Il segment da spirituosas senza alcohol vegn probablamain a crescher cun duas cifras fin l’onn 2026», uschia la pledadra. Cumpareglià cun martgads pli madirs sco la Gronda Britannia haja la Svizra bler potenzial da crescher.

Nus vesain in ferm interess en las citads.

L’onn passà ha Pernod Ricard fundà ina partiziun operativa per alternativas senza alcohol. Per marcas d’alcohol èsi era interessant da servir questa fiera sut l’aspect da la reclama, damai che bavrondas senza alcohol n’èn betg suttamessas a las medemas restricziuns da reclama sco ils products originals.

Ma tar il pretsch datti in dilemma: «La producziun da nossas bavrondas è pli chara che l’equivalent cun alcohol perquai ch’ellas ston vegnir destilladas dublamain», di Christof Tremp, fundatur e CEO dal Start-up Rebels 0.0 %. El è sa spezialisà sin bavrondas senza alcohol. En il medem mument n’èn ils clients betg pronts da pajar dapli per bavrondas senza alcohol.

La generaziun Y consumescha 20 pertschient pli pauc alcohol che ses antecessurs.

Cuntrari ad intgins concurrents na dovran ils rebels 0.0% nagin alcohol tar la producziun. Il product final na cuntegna perquai naginas restanzas d’alcohol. Il schef da l’interpresa cun sedia a Turitg, fundada avant trais onns, di: «Nus vesain in ferm interess en las citads.» Il trend en la gruppa da vegliadetgna da las persunas tranter 30 e 45 onns e tar las dunnas saja ferms.

Tenor Tremp pudessan s’etablir er en Svizra cafés e butias cumplettamain senz’alcohol: «La generaziun Y consumescha 20 pertschient damain alcohol che ses antecessurs, igl exista damai in grond basegn d’alternativas», di el. Rebels 0.0% quintan entant cun ina dumonda spezialmain auta en il temp da Nadal ed il mais d’abstinenza «Dry January» che suonda.

https://pilot-prod-videos.s3.eu-west-1.amazonaws.com/rm/constant-tan-pelican_de_DEEPGRAM-WHISPER.vtt

Bavrondas senza alcohol èn in

Detox il schaner: Porta quai insatge u vai mo cun daners?

Tge èn ils avantatgs d'in mais senza alcohol?

L'idea dal «Dry January» vegn oriundamain da la Gronda Britannia. Lura, avant indesch onns avevan organisaziuns da sanadad proclamà da desister per in mais da baiver alcohol, perquai ch'i deva blers mortoris pervia d'alcohol tar persunas tranter 14 e 49 onns. 

Dapi intgins onns datti l'acziun dal «schaner sitg» era en Svizra. Quella vegn era sustegnida tranter auter da l'organisaziun crusch blaua e da l'associaziun professiunala da dependenzas. Tge effects positivs ch'in mais senza alcohol po avair, mussa in studi che l'Universitad da Sussex ha fatg l'onn 2018 cun 800 participants e participantas. 

Remartgabel è ch'ins ha, malgrà ch'ins desista be in temp d'alcohol, a lunga vista in consum d'alcohol pli conscient.

I possia esser che las persunas crodian puspè en musters usitads, dentant observan els sa sez meglier e san era plitost daco ch'els baivan insumma alcohol.

E pli ditg che la pausa d'alcohol duria e meglier che la pressiun dal sang, il magun ed il begl possian sa revegnir, di il schefmedi dal Center per medischina da dependenza Philip Bruggmann. Plinavant possia era la ristga per differentas sorts da cancer sa sminuir. Tge ch'ins stoppia dentant menziunar: Sch'ins baivia suenter quest mais puspè exact uschè savens ed uschè bler sco avant – lura laschian ils effects positivs suenter, di Denise Zai. 

Tge porta in mais senza alcohol?

Julien Furrer

https://pilot-prod-videos.s3.eu-west-1.amazonaws.com/en/olympic-coffee-lemming_fr_DEEPGRAM-WHISPER.vtt

Spezialists per «Digital Detox» porschan in support persunal per gidar da dar si pass per pass il telefonin.

En Svizra vegnan 7.4% da las persunas tranter 15 e 19 onns diagnostitgads sco dependentas dal smartphone. Ils mecanissems da questa dependenza sumeglian ad autras dependenzas sco drogas, tubac u alcohol.

Ma betg mo teenagers èn pertutgads. Blers che dovran ord motivs professiunals u privats utensils digitals, sa sentan traplads dad algoritmus e passentan tenor atgnas indicaziuns bler memia bler temp cun quels.

«Jau hai adina stuì guardar mes e-mails, restar en contact per betg manchentar in’occasiun u schlargiar il dumber da clients», declera per exempel Nathalie, in’interprendidra dal Vad, en l’emissiun 19h30 dad RTS.

Ella ha encurschì ch’ella era dependenta: «Jau hai adina gì in problem: Jau hai stuì cumbatter cunter il giavisch da trasora far il checken mes telefonin, da respunder e-mails, e quai immediatamain.»

Per na sfundrar en ina dependenza effectiva ha ella cumenzà a lavurar vida sasezza, cun in concept pragmatic che sa basava sin midadas fitg concretas. Uschia ha ella per exempel decidì da guardar en sia chascha da brevs be a tscherts temps fixs. 

Per sustegnair ella ha Nathalie clamà Ellen Kocher, ina trenadra persunala spezialisada sin «Digital Detox» che crai ch'in proceder pass per pass è la dretga soluziun.

Tecnologias digitalas fan part da nossa vita. Nus stuain emprender dad ir enturn cun lur insuffizienzas e chattar soluziuns per evitar effects negativs.

«Ins sto far pass vaira pitschens. In detox nua ch’ins na mangia nagut nua ch’ins n’ha insumma nagina tecnica, na po betg funcziunar. In pass suenter l’auter. Igl è sco cun il nutriment fin chi daventa disa», di Ellen Kocher.

Ma ella tegna per in’illusiun che nus possian renunziar dal tuttafatg a la tecnica digitala: «Igl è ina part da nossa vita. Nus stuain emprender dad ir enturn cun lur insuffizienzas e chattar soluziuns per evitar effects negativs.»

Las schliaziuns na pon betg sulet variar da coach a coach, mabain era da participant a participant. Era coach Barbara Reibel metta per exempel paisa sin la dimensiun tut persunala da mintga curs: «I fiss ina bun’idea da tschentar giu ils visurs in’ura avant che durmir pervia da la glisch blaua, ed era da ponderar da prender il smartphone or da la stanza da durmir.» Ma i dependa da mintga singul da chattar il dretg per el.»

Il sustegn collectiv po chaschunar soluziuns, vid las qualas ins n'avess betg pensà sulet.

Sper coachings persunals fa ella era workshops davart quest tema. E per ella pudess l'effect da gruppa esser nizzaivel per gidar blers da sa deconnectar: «Il sustegn collectiv po chaschunar soluziuns, vid las qualas ins n'avess betg pensà sulet.»

Era la tecnica digitala sezza po esser ina opziun. Ils davos onns èn sa sviluppadas numerusas applicaziuns che han la finamira da sminuir la dependenza da las raits socialas e dad auters visurs.

Il programmader tudestg Frederik Riedel ha sviluppà One Sec, in'applicaziun che duai far pli plauna la colliaziun cun programs che dovran memia bler temp ed attenziun.

Il princip è simpel. Utilisaders fixeschan ordavant a tge applicaziuns ch’els vulessan agiuntar One Sec. E sch’els avran l’applicaziun respectiva, vegnan els intimads da trair flad in pèr secundas, avant ch’els vegnan dumandads, sch’els vulessan propi far ina colliaziun.

«Tras questa respiraziun han ins in chau pli cler e sa sch’ins sto propi publitgar insatge sin Instagram u sch’ins avra l'app ord spir reflexiun e po lura laschar il smartphone en giaglioffa», declera Frederik Riedel.

Detox digital

Chattai ora nua che Vus stais

Voss feedback!

Per blers è il schaner il mais dal desister. Ma tge porti propi a la sanadad e quant profiteschan interpresas da questa tendenza?

Vossa selecziun